Transcription
1
Reçue à Grenoble, le 24 janvier 1573. Répondue.
2
Monsieur, par ce que necessairement il fault que j’envoye à Paris
3
quelques tiltres et papiers qui me sont necessaires à produire
4
en ung procès que j’ay pardevant la cour de parlement audit Paris,
5
j’ay prins à mon service ung nomme Guillaume Delerisse
6
de Chabeul, lequel j’y envoye ; et pour ce, monsieur, quil
7
abandonne sa maison, craignant qu’à son absence, il ne feust
8
faict quelque moleste à sa maison, il m’a prié de vous
9
supplier luy faire ce bien de luy donner une saulvegarde
10
et exemption de son logis affin que sil vient quelque
11
compagnie audit Chabeul, qu’il vous pleust commander aux
12consulz que personne ne logeast à sa maison, [barré : et quil ]
13
ce que je vous supplie, monsieur très humblement de faire
14
et aussi monsieur vous supplie pour ce que par les
15
chemins il pourroir [sic] rencontrer quelques voleurs ou brigandz,
16
qu’il vous pleust me donner pour luy une permission
17
quil puisse porter les pistolés et passeport qui luy puisse
18
servir pour n’avoir aulcung empechement par les chemins.
19
Et en ce faisant, monsieur, vous m’obligerés de plus en
20
plus à vous faire toute ma vie très humble service qui
21
sera d’aussi bonne volonté que de personne à qui le
22
scauriés commander. Et en cest endroict, je vous presenterey
23
mes très humbles recommandations à votre bonne grace, priant
24
Notre Seigneur vous donner,
25
monsieur, en santé très hereuze vie et longue. De Marcelein,
26
ce XXe de janvier 1573.
27
Voutre à jamès très humble
28
Et afesyonné à vous fère
29
très humble servysse
30
Montchenu